尋日番工又做錯野，...又累又眼訓，但係又唔可以做錯野，唉~ 都唔知邊條茂利亂聽電話，搞到我差d比佢個AGM鬧爆，佢真係好爆炸，...好恐怖...我好驚佢...... 尋日番9粒鐘，原來番9粒真係好難捱，救命...真係要快d搵時間去買番對平底鞋先...番到屋企又11點半~ 今朝8點幾先彈起身，冇左部電話，頓時冇晒時間觀念，因為既冇錶又冇鬧鐘，我阿媽又唔鬼叫我喎今日...頂丫~起身果刻都冇左股"拿拿聲"既衝勁，橫掂都會遲，遲左半粒佢又唔計我attendance，GE堂又好似真係好鬼無聊咁...算啦唔鬼番啦~~因為真係好累...如果今日照番學唔比自己休息下，我就要等到星期日先有得抖...咁就會連續3個星期都冇抖過架啦...  Sunday, October 22, 2006 今日番完派波波了，...第一次派波波，真係覺得好開心好好玩...不過就紮到d手指皮都爆鬼晒，乾晒爆晒"察"... 呢日係黑仔既一日!因為...我部電話唔見左!!! 我頂...超唔開心...雖然都用左年幾，又唔係咩貴機...但係話晒有好多相同電話係入面架嘛!!!都唔知係邊條賤人執左我部電話，...鬼唔望佢"執一部，跌十部。買一部，跌一部。"...哼~~ Wednesday, October 19, 2006 冇番學...因為表哥結婚~ 11點幾出門，先到姑媽家集合，然後一齊出發去尖沙咀玫瑰堂...等左都ok耐，之後終於開始行教堂啦> < 第一次睇人行教堂，原來種感覺係好開心，聽到果d音樂係覺得好幸福...好似有d想眼濕濕既感覺添~~果刻會令人都有一種想結婚既衝動~~haha 影完相之後，我地就早d去茶樓...坐左一個字都冇，我又要著住對3吋既高踭鞋落去買野，行左幾條街先搵到間文具店...買膠紙~頂... 番上去餓死+累死磚，...見到有西餅，即刻食左幾件，因為去到4點幾到，全日淨係食左半舊包> <... 夜晚12點半番到屋企，第一個搶住沖涼...因為我最早起身，要番...8:30am...=.=||| | 
